FLASH
Shkruar nga Pamfleti
E diela në mbrëmje rikthen derbin e Milanos mes Interit dhe Milanit në ‘San Siro’. Stadiumi pritet që të jetë në kapacitet të plotë prej 75.817 tifozësh, ndërsa qindra mijëra të tjerë do e ndjekin ndeshjen nga ekrani.
Ky duel duket se do thyejë rekordin e të ardhurave sa i takon biletave, me mediat tej Adriatikut që kanë bërë një përllogaritje të përafërt.
Sipas mediave italiane derbi shkon drejt një arkëtimi rekord prej 7 milionë eurosh, një shifër që do ta lejonte atë të kapërcejë 6.6 milionë eurot e ndeshjes Inter-Juventus në tetor të vitit 2019, rekordi aktual absolut në historinë e Serisë A.
Pas 4 javëve të para të kampionatit italian, Interi pozicionohet në vendin e tretë me 2 fitore dhe 2 barazime, ndërsa nga ana tjetër rivalët kuqezi ndodhen në mesin e tabelës, teksa kanë regjistruar dy barazime, 1 fitore dhe 1 humbje.
Lini një Përgjigje