FLASH
Shkruar nga Pamfleti
Arsenali është gati të sakrifikojë disa lojtarë në merkaton e verës për të fuqizuar edhe më shumë skuadrën. Mes emrave është edhe Granit Xhaka. Mesfushori 30-vjeçar zviceran mund të shitet në fund të sezonit, pas shtatë 7-vitesh në skuadrën londineze.
“Topçinjtë”, raporton “Daily Mirror”, duhet të bëjnë disa shitje për të arritur objektivat e merkatos së verës dhe, për shkak të moshës dhe konkurrencës, zvicerani është një nga të dyshuarit kryesorë per t’u larguar.
Më 25 maj 2016, ai nënshkroi për ekipin londinez Arsenal, i cili e bleu atë nga Borusia Mëshengladbah për 40 milionë euro. Ai u vendos menjëherë si lojtar i rregullt, duke shënuar golin e tij të parë për skuadrën londineze më 17 shtator 2016 në një fitore 1-4 kundër Hall Siti, dhe u paraqit në 32 raste në ligë gjatë sezonit të tij të parë në Londër (në të cilin ai fitoi FA Cup në finalen kundër Çelsit), ndërsa në sezonin e dytë ai veshi fanelën e Arsenalit 38 herë nga 38 ndeshje.
Ai u kritikua shpesh në Angli për prirjen e tij për të kryer faulle, ndonjëherë edhe shumë të rënda. Më 27 shtator 2019, pas një votimi nga lojtarët, ai u bë kapiten i klubit. Megjithatë, saktësisht një muaj më vonë, ai u zëvendësua në ndeshjen (më vonë barazoi 2-2) kundër Kristal Palas dhe pati një reagim të keq: i tunduar nga tifozët, ai hodhi fanelën në tokë dhe i ofendoi rëndë;
Ai fillimisht u përjashtua nga skuadra për ndeshjen e radhës kundër Ullverhempton, dhe më pas më 5 nëntor shiriti i kapitenit të tij u revokua, më pas u trashëgua nga Pier-Emerik Obamejang. Në verën e vitit 2021, ai nënshkroi një rinovim të kontratës me Topçinjtë, një rinovim që lidh lojtarin zviceran me klubin anglez deri më 30 qershor 2024.
Lini një Përgjigje