FLASH
Shkruar nga Pamfleti
Trajneri i Romës, Jose Mourinho thuhet se ka refuzuar një rikthim te skuadra londineze e Chelsea, kjo për shkak se po pret që të qartësohet e ardhmja e tij me Romën.
E ardhmja e trajnerit portugez ka qenë temë e shumë diskutimeve muajt e fundit, me kontratën e tij aktuale që skadon me klubin në qershor të vitit të ardhshëm. Ai ka qenë i lidhur me shumë klube, duke përfshirë kombëtaren braziliane dhe Paris Saint-Germain.
“The Special One” u ka kujtuar shumë njerëzve cilësinë e tij në kampionat gjatë kohës së tij me Romën, duke i udhëhequr ata drejt titullit të tyre të parë të madh evropian sezonin e kaluar në Ligën e Konferencave. Gjërat kanë qenë pak më të vështira këtë sezon, por “Giallorossët” në gjysmëfinale të Ligës së Evropës.
Por siç raportohet nga “Corriere dello Sport”, Mourinho u kontaktua nga një drejtor i Chelseas, i cili donte të diskutonte mundësinë që ai të merrte drejtimin e londinezëve, duke e shtuar atë në listën e kandidatëve të mundshëm.
Trajneri portugez e bëri të qartë se nuk kishte asnjë interes për këtë, duke dashur të takohej me pronarin Dan Friedkin pasi dëshiron të qëndrojë në Romë.
Lini një Përgjigje