FLASH
Shkruar nga Pamfleti
Egnatia ka marrë një fitore të rëndësishme 1-0 ndaj Dinamos në ndeshjen e vlefshme për kampionatin “Abissnet Superiore”. Sfida, e karakterizuar nga ritëm i kënaqshëm dhe raste sporadike, u vendos vetëm në minutat e fundit të takimit.
45 minutat e para nuk prodhuan rrjeta të tundura, megjithëse të dyja skuadrat krijuan mundësi për të kaluar në avantazh. Megjithatë, mungesa e saktësisë në finalizim dhe reagimet e mbrojtjeve respektive bënë që pjesa e parë të mbyllej në barazim pa gola.
Në pjesën e dytë loja fitoi më shumë intensitet. Në minutën e 65-të, Vila provoi me një goditje nga distanca, por tentativa e tij nuk rezultoi e suksesshme. Pak minuta më vonë, Kryeziu vuri në provë portierin Teqja, i cili reagoi menjëherë duke mbajtur portën të paprekur.
Kur ndeshja po shkonte drejt një barazimi pa gola, ishte Oliveira ai që shfrytëzoi një rast në fund të takimit, duke shënuar golin që i dhuroi Egnatias tri pikët e plota.
Me këtë sukses, të besuarit e trajnerit Edlir Tetova sigurojnë një fitore të rëndësishme në garën e kampionatit, ndërsa Dinamo largohet nga kjo përballje pa pikë, pavarësisht rezistencës së treguar në fushë.
Lini një Përgjigje