FLASH
Shkruar nga Pamfleti
Barcelona fiton 1-0 ndaj Deportivo Alavesh, në ndeshjen e vlefshme për javën e 22 në La Liga. Një fitore me shumë vuajtje për katalanasit, ndryshe nga sa pritej.
Në minutën e 14 të pjesës së parë, Gavi la fushën e lojës, pasi pati një përplasje kokë me kokë me Tomas Konekni. Pas zëvendësimit me Fermin Lopez, Gavi u dërgua në spital për të parë shkallën e dëmtimit dhe për të përjashtuar mundësinë e ndonjë lëndimi serioz në kokë.
Por, lojtari nuk ka asgjë shqetësuese dhe pritet të jetë i gatshëm për Flik që në ndeshjen e radhës. Pjesa e parë u mbyll në barazim pa gola. Ishte Robert Levandovski që zhbllokoi ndeshjen me golin e tij në minutën e 60.
Pas kësaj fitoreje, falë edhe humbjes së Realit mbrëmë ndaj Espanjoli, Barcelona ngushton diferencën me kryesuesit. Reali është në vendin e parë me 49 pikë, Atletiko në vend të dytë me 48 pikë dhe Barcelona e treta me 45 pikë.
Lini një Përgjigje