FLASH
Shkruar nga Pamfleti
Pas barazimeve me Erzenin dhe Partizanin, si dhe humbjes një javë më parë me Laçin, Vllaznia është rikthyer te fitorja. Shkodranët kanë mundur në “Loro Boriçi” Teutën me rezultatin e pastër 2-0.
Skuadra e drejtuar nga Migen Memelli zhbllokoi sfidën në minutën e 15. Pas një goditje nga këndi, Balaj u gjend i vetëm dhe dërgoi topin në rrjetë, pas një goditje me kokë.
Në minutën e 42, vendasit realizuan edhe golin e dytë. Balaj u tregua i saktë nga pika e bardhë e penalltisë.
Sikur të mos mjaftonte humbja, Teuta u detyrua ta mbyllte ndeshjen me 10 lojtarë. Në minutën e 90’+8’ Dema doli nga zona për të bërë një ndërhyrje me këmbë dhe preku topin me dorë. Gjyqtari e ndëshkon me kartonin e kuq.
Me këtë fitore, Vllaznia ngjitet në vendin e 3 me 8 pikë, po aq sa Partizani dhe Erzeni, ndërsa Teuta mban vendin e 8 me 4 pikë.
Lini një Përgjigje