FLASH
Shkruar nga Pamfleti
Juventusi ka marrë disfatën e parë këtë sezon, duke u mundur me rezultatin 4-2 nga Sasuolo në transfertë.
Ishin vendasit të parët që gjetën rrjetën me anë të Lauriente pas një gafe të Sheznit, i cili nuk arriti të kontrollonte dot topin.
Bardhezinjtë rivendosën baraspeshën me anë të një autogoli nga Vinja, teksa ishte Berardi që kaloi sërish në avantazh vendasit në fundin e pjesës së parë.
Në minutën e 78, Kieza barazoi sërish, por vendasit nuk kërkonin që të dilnin me vetëm një pikë nga ky takim, pasi Pinamonti shënoi dhe golin e tretë një minutë më vonë. Në fund ishte Gati ai që bëri një gafë qesharake duke dërguar topin në portën e tij, me rezultatin që u mbyll 4-2.
Lini një Përgjigje