FLASH
Shkruar nga Pamfleti
Edhe pse ka qenë shumë aktive këtë merkato duke bërë disa lëvizje të bujshme, Atletiko e Madridit nuk e ka nisur aspak mirë sezonin e ri, duke mos arritur ende fitoren e parë. “Los Kolçoneros” nuk kanë shkuar më shumë se barazimi 1-1 ndaj Deportivo Alavesh.
Atletiko e nisi mjaft mirë takimin, ku gjeti avantazhin pas 7 minutave lojë me Xhuliano Simeone. Ai nuk festoi, në shenjë respekti ndaj ish-ekipit të tij, ku luajti si u huazuar për një sezon, 2023-2024. Argjentinasi dërgoi topin në rrjetë pas disa tentativave dhe rrëmujës së krijuar në zonë. 6 minuta më pas, Aleksandër Shorloth ndërhyri në mënyrë të gabuar ndaj kundërshtarit, brenda zonës dhe arbitri dha 11-metërsh.
Vendasit barazuan shifrat me Karlos Vinsente. Një ndeshje e gjitha për t’u harruar për Shorloth. Sulmuesi norvgjez u vlerësua në fund të takimit më notën 5.6, lojtari më i dobët në fushë për të dy ekipet. Pavarësisht zëvendësimeve të kryera nga Diego Simeone, ato nuk dhanë rezultat dhe shifrat nuk ndryshuan deri në fund, 1-1.
Pas 3 javëve në La Liga, Atletiko e Madridit ka vetëm dy pikë, duke u renditur momentalisht në vendin e 14.
Lini një Përgjigje