FLASH
Shkruar nga Pamfleti
Atalanta nuk do të jetë pjesë e kompeticioneve europiane sezonin e ardhshëm. Pas disa edicionesh radhazi në arenën ndërkombëtare, skuadra nga Bergamo ka vulosur përfundimisht qendrimin jashtë Europës, pas barazimit pa gola 0-0 ndaj Xhenoas në javën e 35-të të Serisë A.
Takimi i zhvilluar në Bergamo u karakterizua nga mungesa e rasteve të pastra dhe një ritëm i ngadaltë loje. Të dyja skuadrat treguan kujdes në mbrojtje, duke prodhuar pak momente konkrete për shënim.
Rasti më i rrezikshëm për miqtë erdhi në minutën e 63-të, kur portieri Xhastin Bijlou u bë protagonist me dy pritje vendimtare radhazi ndaj goditjeve të Ederson dhe Xhakomo Raspadorit, duke mbajtur portën të paprekur.
Në këtë duel ishte titullar dhe Berat Gjimshiti, i cili u zëvendësua në pjesën e dytë për t'i lënë vend Hien në minutën e 57-të.
Atalanta iu afrua golit të avantazhit në minutën e 79-të, por tentativa e Raspadorit u ndal nga traversa, duke i mohuar vendasve tre pikët.
Lini një Përgjigje