FLASH
Shkruar nga Pamfleti
Futbollistët e Kombëtares shqiptare vijojnë të tërheqin vëmendje jo vetëm në fushën e lojës, por edhe jashtë saj. Një prej tyre është sulmuesi Rei Manaj, i cili së fundmi është parë në Tiranë, në një dalje informale në zonën e Ish-Bllokut.
Sipas vëzhgimeve në terren, Manaj ka kaluar kohë në shoqërinë e miqve të tij, pa praninë e ndonjë figure femërore. Pas një ndalese në një nga baret e zonës, ai është parë duke ecur në këmbë, ndërsa fliste në telefon.
Ajo që ka tërhequr vëmendje ka qenë edhe veshja e futbollistit, e përbërë nga marka të njohura ndërkombëtare, përfshirë “Christian Dior”, “Louis Vuitton” dhe “Hermès”. Përdorimi i markave luksoze në përditshmëri është vërejtur edhe më herët në paraqitjet e tij publike.
Në media është raportuar se Manaj ndodhet prej disa muajsh në një lidhje me Arbionën, modele dhe influencuese nga Kosova. Dyshja është përmendur pasi është parë duke kaluar pushime së bashku në Dubai.
Arbiona njihet për aktivitetin e saj në rrjetet sociale dhe për një karrierë në modelim, përfshirë angazhime ndërkombëtare. Ajo ka publikuar herë pas here foto me futbollistin, ndërsa vetë Manaj ka zgjedhur të jetë më i rezervuar në lidhje me jetën e tij private.
Lini një Përgjigje