FLASH
Shkruar nga Pamfleti
Jasir Asani pritet të jetë një nga protagonistët kryesorë të Kombëtares shqiptare në përballjen ndaj Polonisë, duke rikthyer vëmendjen te performanca e tij e shkëlqyer në vitin 2023. Në atë ndeshje të zhvilluar në stadiumin “Air Albania”, 30-vjeçari realizoi një supergol dhe kontribuoi në fitoren 2-0 të kuqezinjve.
Në prag të takimit të radhës kundër të njëjtit kundërshtar, këtë herë në Varshavë, Asani shfaqet i motivuar për të dhënë sërish kontribut vendimtar. Ndeshja konsiderohet si një “finale e parakohshme”, ndërsa prania e tij në repartin ofensiv shihet si një element kyç për trajnerin Silvinjo.
Stafi teknik i Kombëtares pret që eksperienca dhe aftësitë individuale të Asanit të bëjnë diferencën edhe në këtë përballje. Performanca e tij në të kaluarën e afërt ka rritur pritshmëritë për një tjetër moment vendimtar nga ana e sulmuesit anësor.
Së fundmi, Asani ka tërhequr vëmendjen edhe jashtë fushës, duke publikuar një foto në Instagram me fanelën e re të Kombëtares. Postimi pa përshkrim është interpretuar si një sinjal se përgjigjet do të jepen në fushë, në ndeshjen e së enjtes në mbrëmje.
Lini një Përgjigje