FLASH
Shkruar nga Pamfleti
Karlo Ançeloti do të largohet nga drejtimi i Realit në fund të sezonit, por madrilenët kanë nisur që tani nga puna për të gjetur pasuesin e italianit.
“Fichajes” raporton se Reali ka nisur bisedimet intensive me Çabi Alonson, i cili po ashtu i ka bërë të ditur Bajer Leverkusenit se do të largohet në fund të sezonit.
Për Alonson, Perez ka gati kontratën 5-vjeçare dhe sigurisht e pret një rrogë shumë herë më e madhe se ajo që merr tani tek “Aspirinat”. Po ashtu Perez i ka garantuar që spanjolli do të ketë dorë të lirë në merkato dhe ta ndërtojë ekipin ashtu si e mendon.
Alonso është kandidati i parë dhe kryesor në listën e Perez, por nuk përjashtohen nga gara dhe emra të tjerë, por spanjolli mbetet padyshim i preferuar i madrilenëve.
Lini një Përgjigje