FLASH
Shkruar nga Pamfleti
Elbasani ka siguruar kualifikimin në çerekfinalen e Kupës së Shqipërisë, pasi ka mundur me shifrat 2-0 Teutën në një ndeshje ku për të shpallur fituesin u deshën kohët shtesë.
Dy skuadrat e Superiores kërkonin me çdo kusht kalimin e turit, duke parë Kupën si mundësinë e tyre për të siguruar trofe në këtë sezon. Por ata ishin të pasaktë para portës gjatë 90 minutave të sfidës, duke bërë që për fituesin të kërkoheshin kohët shtesë.
Golat e Tsague në shtesën e parë dhe Lleshit në të dytën bënë diferencën për verdheblutë, të cilët kësisoj shkuan mes 8 skuadrave më të mira të turneut, duke u konfirmuar si ekipi që synon të shkojë sa më larg në këtë turne.
Në krahun tjetër, Vllaznia triufmoi minimalisht 1-0 me Besën e Kavajës. Golin e vetëm të sfidës e shënoi Çoba në minutën e 108, i cili bëri heroin për shkodranët. Besa u shfaq shumë dinjitoze duke provuar disa herë për të gjetur golin pavarësisht se nuk ja doli.
Tashmë kuqeblutë ndodhen në turin tjetër të këtij kompeticioni.
Lini një Përgjigje