FLASH
Shkruar nga Pamfleti
Në botën e futbollit njihet si 'Perandori'. Bëhet fjalë për Adriano Leite Ribeiron, ish-sulmuesin e famshëm të Interit dhe Brazilit, i cili në moshën 42-vjeçare ka zhvilluar një ndeshje lamtumire nga futbolli.
Adriano qau me ngashërim në fushë kur në ekranet e "Maracana" të Rio de Janeiro u shfaq një mesazh nga i ati i ndjerë prej 20 vitesh, kjo edhe pas një ndihme nga "Inteligjenca Artificiale".
Nderimi emocional e la Adrianon në lot, pasi siç e ka shpjeguar më herët. Vdekja e babait të tij 20 vjet më parë ndikoi thellë tek ai, duke e bërë të humbiste pasionin për futbollin. Pas humbjes tragjike, Adriano luftoi me depresionin dhe filloi të pinte alkool, gjë që përfundimisht ngeci karrierën e tij dikur premtuese, duke e kthyer atë në një nga talentet që nuk dha gjithë potencialin.
Flamengo dhe një ekip i quajtur Friends nga Italia luajtën në ndeshjen e lamtumirës. Adriano luajti nga një pjesë për të dyja skuadrat dhe lamtumira u dha nga yje si Romario, Hulio Sezar, Dida, Ivan Kordoba dhe djali i Adrianos, Adrianinjo.
Në lamtumirë mori pjesë edhe legjenda braziliane Ronaldo, ndonëse nuk luajti. Adriano e filloi karrierën te Flamengo, teksa luajti për Interin, Fiorentinën, Parmën, Sao Paulon, Korinthiansin, Atletiko PR dhe Miami Junajtid, ku e mbylli karrierën e tij në vitin 2016.
Në kombëtaren braziliane luajti 48 ndeshje dhe shënoi 27 gola.
???? With the help of AI, the voice of Adriano's father was recreated in a beautiful tribute after his farewell game at the Maracanã.
— Football Tweet ⚽ (@Football__Tweet) December 16, 2024
Adriano's career rapidly tailspinned after the sudden death of his father, so this is a truly beautiful moment. ❤️ pic.twitter.com/xTKQYPNN5I
Lini një Përgjigje