FLASH
Shkruar nga Pamfleti
Një ndër divorcet më të bujshëm të botës së spektaklit aktualisht është ai mes Ilary Blasi dhe Francesco Totti.
Të dy akuzojnë njëri-tjetrin dhe pretendojnë se martesa ka përfunduar për shkak të tradhëtisë së tjetrit.
Ilary në librin e saj tregon se tradhëtia ka nisur nga bashkëshorti, por ky i fundit thotë se lidhja e tij paralele nisi në janar 2022 pasi ka zbuluar tradhëtinë e bashkëshortes.
Mirëpo Blasi në librin e saj jep më shumë detaje që çojnë në rindërtimin e zinxhirit të tradhëtive.
Sipas saj në 14 shkurt 2022, ish-e dashura e Totti-t, Noemi, kishte publikuar në rrjete sociale një fotografi me 13 trëndafila.
“Trembëdhjetë trëndafila nga ne”, shkruante Noemi në postimin e saj, çka nënkuptonte se lidhja kishte 13 muaj që kishte nisur.
“E kuptova që e kisha parë tashmë atë vajzë në Sardenjë, ku Francesco kishte marrë pjesë në një turne pas udhëtimit tonë për në Moskë. Ajo ishte aty me fëmijët e saj”, ka treguar Ilary në një intervistë.
Pikërisht në atë periudhë, sipas Tottit, Ilary ka shkëmbyer mesazhe komprometuese me Cristiano Iovinon me të cilin kishte një lidhje jashtë martesore.
Lini një Përgjigje