FLASH
Shkruar nga Pamfleti
Fjoralba Ponari është një nga figurat mjaft të dashura televizive, të cilën e shohim çdo të dielë nën prezantimit e spektaklit më të madh të humorit në Shqipëri, “Portokalli”, përkrah Xhemi Shehu dhe Salsano Rrapi.
Mesa duket, në spektaklin e fundit, Fjoralba është përballur me një situatë mjaft të këndshme gjatë prezantimit, pasi një vajzë e vogël është ngritur nga audienca dhe ka nisur ta përshëndesë moderatoren, e cila thuajse harroi të vijonte prezantimin.
Ponari ka publikuar një video në profilin e saj të Instagramit, ku shihet teksa përshëndet me dorë vogëlushen, sikurse ka zbuluar ajo vetë dhe bashkangjitur ka shkruar:
“Fakt qesharak: Desh harrova të prezantoja, sepse më tërhoqi vëmendjen një vajzë e vogël që u ngrit në këmbë e po më përshëndeste gjithë emocion”.
Fjoralba Ponari ka nisur të prezantojë “Portokalli” në vitin 2021 përkrah Salsano Rrapit dhe Xhemi Shehut. Përveçse është e angazhuar me programin humoristik, Ponari ka hapur gjithashtu një kanal në “Youtube”, përmes së cilit zbulon më shumë rreth udhëtimeve të shpeshta që ajo bën me partnerin e saj.
Lini një Përgjigje