FLASH
Shkruar nga Pamfleti
Partnerja e Cristiano Ronaldos, Georgina Rodriguez mori pjesë në mbrëmjen Gala të organizuar nga Presidenti Donald Trump në New York, ku shkëlqeu me veshjen e saj.
Bukuroshja Georgina Rodriguez, 31 vjeç, kishte veshur një fustan të zi seksi, me dekolte të hapur dhe me dantellë në pjesën e gjoksit, që sipas medias britanike DailyMail veshja ishte shumë e ngjashme me fustanin e dizajnuar nga John Galliano, të cilin Princesha Lady Diana e veshi në Met Gala në vitin 1996.
Drejtori kreativ i Vetements Couture, Guram Gvasalia, i cili krijoi fustanin e Geroginës, i është dashur ta qepte tërësisht me dorë duke i dhënë një stil mjaft elegant.
‘Doja t’i jepja Georginës atë momentin e Princeshës, sepse ajo është ‘Princesha e Popullit’ e ditëve të sotme dhe ‘Mbretëresha e Zemrave’. Jo çdo fustan duhet të jetë një përrallë, por ky është…’ tha stilisti.
Rodríguez mbante gjithashtu edhe një gjerdan të madh me diamante nga Chopard, i frymëzuar nga zgjedhjet e bizhuve të Dianës në vitet 1990. Rodríguez tha se Met Gala ishte një ‘natë magjike.
‘Faleminderit gjithmonë Zotit, familjes sime dhe ekipit tim që më shoqërojnë në çdo ëndërr,’ shkroi ajo në spanjisht në Instagramin e saj.
Lini një Përgjigje