FLASH
Shkruar nga Pamfleti
Nju Jorku është kthyer në qendrën e vëmendjes botërore, ndërsa miqtë dhe familjarët e Taylor Swift dhe Travis Kelce kanë nisur të mbërrijnë në qytet, mes spekulimeve për dasmën e shumëpërfolur të çiftit.
Sipas raportimeve të PEOPLE, dhjetëra figura të njohura janë parë në Nju Jork ditët e fundit, duke shtuar zërat se ceremonia dhe festimet mund të zhvillohen këtë fundjavë.
Nga ana e Travis Kelce, në qytet janë parë sportistë të njohur të NFL-së si Brock Bowers, Matthew Stafford dhe bashkëshortja e tij Kelly Stafford, Beau Allen, Creed Humphrey me të fejuarën Ana Demmer, George Kittle me bashkëshorten Claire Kittle, si dhe Greg Olsen.
Po ashtu, në Nju Jork kanë mbërritur edhe miqtë e tij të ngushtë, përfshirë Reggie King, Ross Travis, André Eanes, Aric Jones, Joe Oravec dhe ish-shoku i tij i universitetit, Derek Wolfe. Nga familja e Kelce, në qytet janë parë nëna e tij Donna Kelce, xhaxhai Don Blalock dhe kushërinjtë e tij.
Lista e të ftuarve nga ana e Taylor Swift është po aq e mbushur me emra të njohur, ku përfshihen Camila Cabello, Anya Taylor-Joy, Lena Dunham, Jack Antonoff, Ashley Avignone, Abigail Anderson dhe Selena Gomez. Në festime pritet të marrin pjesë edhe gazetaret sportive Charissa Thompson dhe Erin Andrews.
Raportimet tregojnë se festimet kanë nisur që në fillim të javës. Më 30 qershor, Ed Sheeran dhe Aaron Dessner u panë pranë studios Long Pond në New York, ndërsa Sabrina Carpenter është fotografuar në një darkë me miqtë në West Village.
Sipas The New York Times, çifti planifikon një festë me rreth 1.000 të ftuar, ndërsa ceremonia pritet të ketë kod veshjeje “black tie” dhe rregull të rreptë për ndalimin e telefonave celularë gjatë eventit.
Megjithëse çifti nuk ka konfirmuar zyrtarisht detajet, atmosfera në Nju Jork tregon se një nga eventet më të mëdha të showbiz-it dhe sportit mund të jetë shumë afër realizimit.
Lini një Përgjigje