FLASH
Shkruar nga Pamfleti
Një burrë 44-vjeçar është nxjerrë i gjallë pasi qëndroi i bllokuar për tetë ditë nën rrënojat e një ndërtese që u shemb pas tërmeteve të dyfishta që goditën Venezuelën.
Ekipet e emergjencës arritën të shpëtonin Hernán Gilin, i cili ndodhej nën rreth 140 ton rrënoja. Sipas autoriteteve, ai u nxor i gjallë më shumë se 100 orë pasi ekipet e kërkim-shpëtimit e kishin lokalizuar për herë të parë.
Presidentja në detyrë e Venezuelës, Delcy Rodríguez, e vizitoi Gilin në spital të enjten, duke e cilësuar shpëtimin e tij si një "mrekulli të gjallë".
Ndërkohë, bilanci i viktimave nga tërmetet që goditën Venezuelën më 24 qershor vijon të rëndohet. Deri të enjten në mbrëmje, autoritetet kanë konfirmuar 2,595 viktima, ndërsa mijëra persona rezultojnë ende të zhdukur.
Operacionet e kërkim-shpëtimit vazhdojnë në zonat më të prekura, ndërsa ekipet e emergjencës po përpiqen të gjejnë të mbijetuar të tjerë nën rrënoja.
Lini një Përgjigje