FLASH
Shkruar nga Pamfleti
Moti i keq me stuhi dhe shi të rrëmbyeshëm kanë shkaktuar një situatë tepër të vështirë mbrëmjen e djeshme në qytetin e Pejës në Kosovë.
Uji i rrëmbyeshëm ka vëshuar nëpër rrugët e qytetit.Video të publikuara në rrjete sociale tregojnë që në disa raste uji ka marrë para edhe makina ndërsa ka dëmtuar dyqane edhe banesa.
Si pasojë e vëshimit të ujërave, një grua dhe fëmija i saj 5 vjeç kanë humbur jetën në lagjen "Asllan Çeshme".
Fëmija rreth orës 23:10 ishte dërguar në Spitalin Rajonale të Pejës ku u konstatua se ishte pa shenja jete.
Edhe nëna e tij ka mbetur e zhdukur, por është gjetur e vdekur në ora 01:20 pas mesnate.
???? "Nuk është Venecia, është Peja", kështu është përshkrimi i videos ku shikohet një qytetar duke lënën makinën e tij pas vërshimeve në Peje
— Telegrafi.com (@Telegrafisti) June 24, 2023
???? Për gjithë këtë situatë, mjaftuan vetëm pak orë të reshura #Telegrafi #Pejë #Vërshime pic.twitter.com/XDTAbjxvD5
Veç dy rasteve të vdekjeve deri tani janë lënduar edhe dy persona nё lagjen “Fidanishte”, të cilët janë duke marrë tretman mjekësor.
Kryetari i Pejës, Gazmend Muhaxheri, ka reaguar pas vërshimeve që kanë kapluar këtë qytetit, ku kanë humbur jetën dy njerëz.
Ai u shpreh i tronditur me rastin tragjik si pasojë e vërshimeve, ku tha se “kjo është një situatë e rëndë dhe e hidhur për qytetin tonë”.
“Gjatë kësaj kohe të vështirë, shpreh ngushëllimet dhe solidaritetin tim të plotë. Shpresoj të kenë forcë për ta kaluar këtë situatë. Ndihma në kohë të vështira është thelbësore”, tha Muhaxheri.
Ndërkohë ekipet janë në terren dhe po e vëzhgojnë situatën e shkaktuar nga vërshimet.
Lini një Përgjigje