FLASH
Shkruar nga Pamfleti
Një ngjarje e rëndë ka ndodhur sot në rrugën “Ahmet Korenica” në Prishtinë, ku një zyrtar policie është gjetur pa shenja jete.
Viktima është polici 47-vjeçar, Alban Tolaj. Lajmi është konfirmuar edhe nga Policia e Kosovës, sipas të cilës, dyshohet se polici është vetëvrarë.
Policia thuhet se po vazhdon hetimet duke shqyrtuar të gjitha aspektet për zbulimin e rrethanave të rastit.
“Rreth orës 14:45, kemi pranuar informatën për një trup të pa jetë, në rrugën “Ahmet Korenica” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor.
Mbështetur në informacionet e para nga vendi i ngjarjes, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike”, thuhet në njoftim.
Lini një Përgjigje