FLASH
Shkruar nga Pamfleti
Kryeministri i Kosovës, Albin Kurti ka reaguar pas dënimit me gjobë prej 250 eurosh nga Gjykata Themelore në Prishtinë.
Ai u dënua me gjobë, për shkak të mos paraqitjes në Prokurorinë Speciale (PSRK) për të dëshmuar lidhur me rastin e rezervave shtetërore. Kurti u shpreh se ndonjëherë e dënojnë, ndërsa ka sugjeruar që gazetarët të mos mërziten për këtë.
“Më dënojnë mua nganjëherë, por mos u mërzisni ju”, tha Kurti.
Albin Kurti është paralajmëruar që nga fundi i viti i kaluar se nëse nuk dëshmon në prokurori, do të gjobitet. Kryeministri i Kosovës ka kërkuar vazhdimisht që prokurorët t’i shkojnë në zyrë, por gjykata e ka urdhëruar që të dëshmojë në prokurori.
Kurti është ftuar të dëshmojë lidhur me dyshimet e prokurorisë në rastin e rezervave shtetërore, pasi dyshon se shteti është dëmtuar me rreth 600.000 euro gjatë blerjes së produkteve për rezervën shtetërore.
Lini një Përgjigje