FLASH
Shkruar nga Pamfleti
Vangjel Tavo është larguar nga posti i prefektit të qarkut të Vlorës.
Tavo është konfirmuar tashme si kandidat i PS për bashkinë Himarë për zgjedhjet e datës 4 gusht, ndërsa tashmë ka dhënë dorëheqjen nga ky post, dorëheqje që i është dërguar edhe ministrit të Brendshëm.
Vangjel Tavo u emërua prefekt i Vlorës më 13 mars të këtij viti duke zëvendësuar Flamur Mamaj, post që e mbajti për pak muaj duke qenë tashmë kandidat i PS për bashkinë Himarë.
Ndërkohë pas PS, pozita nuk ka vonuar për të nxjerrë kandidatin e saj për Himarën, duke surprizuar jo me emrin e djalit të Fredi Belerit, por një shtetasi shqiptaro-amerikan, minoritar grek, që jeton dhe punon prej vitesh në Shtetet e Bashkuara.
Petro Gjikuria është emri konsesual mes PD dhe PBDNJ-së së Vangjel Dules, pjesëtar i minoritetit grek dhe një mbështetës i zellshëm i Fredi Belerit.
Emri i tij vjen mes një klime akuzash për proces të parregullt dhe anti-kushtetues për zgjedhjet në Himarë e madje edhe për proces të montuar politikisht ndaj Fredi Belerit, për të cilin Gjikuria nuk i ka kursyer nga Shtetet e Bashkuara të Amerikës për të marrë pjesë në protestat që zhvilloheshin para bashkisë Himarë për lirimin e tij.
Lini një Përgjigje