FLASH
Shkruar nga Sokol Pepushaj
E sfilitur nga sfidat gjatë rënies së Yjeve; Berisha, Meta, Rama, Lali Eri dhe Basha, gërmoi në mitologjinë e hershme të rrugës së shpresës dhe gjeti dy Yje të rinj, Gazmend Bardhin dhe Agron Gjekmarkaj...
Edi Rama është njëri nga Yjet e mëdhenj të ambasadores Yuri Kim, edhe pse fshatarëve tanë u duket i vogël, teksa lëviz afër Charles McGonigal nëpër Hemisferën e FBI-së.
Në cipën e retinës retorike, pas retushimit të dosjes Rama- McGonigal, ende po frymëzohen simbole e shenja, se po, kështu, me shkreptima, me rënie dhe ngjitje Yjesh në Qiellin e Mafies, Kozmosi i politikave ekonomike të Kozmodromit të Surrelit, të paktën deri në zgjedhjet presidenciale të 5 nëntorit, do duhet të zbukurohet me kozmetikë ngjyra-ngjyra.
Ngjyrë gri është edhe Qielli mbi Ballkon të Saliut.
Edhe andej, dy Yje po bien e dy po ngjiten.
Planeti i zjarrit për ndëshkimin e mafies ballkanike, ka djegur Sali Berishën dhe Lulzim Bashën.
Kalimi i kometës Swift-Tuttle nëpër mjedisin e gazrave dhe pluhurave, zbuluar nga Yuri Kim këtu e katër vjet më parë, diku nga viti 1862 kur Shën Lorenci, alias Luli, ishte ngarkuar të ruante vulën e PD-së, ka bërë konflikt me Yjësitë e Diellit të dëshirave.
Luli e preu në besë Yurin.
Shiti dheun e të atit Sali, tek Edi Rama.
Që atë ditë Yuri Kim u bë Kometë.
I bëri pluhur Lulin dhe Saliun.
E sfilitur nga sfidat gjatë rënies së Yjeve Berisha, Meta, Rama, Lali Eri dhe Basha, gërmoi në mitologjinë e hershme të rrugës së shpresës dhe gjeti dy Yje të rinj, Gazmend Bardhin dhe Agron Gjekmarkajn.
Poshtë Qiellit plot re, me kokën lart, rri e vështron Davidi i Kimetes, për të treguar kohën e mirë për të mbjellat e hashashit që ka nisur në çdo cep të Shqipërisë.
Me dheun e imët si hi mbi saç të Saliut, po ngrihet piramida e re e qëllimeve të vjetra.
5 Yje po bien e 2 po ngjiten.
Edhe pse janë tanë, të gjithë i kanë pagëzuar si Yjet e Yuri Kim!/Pamfleti
Lini një Përgjigje