FLASH
Shkruar nga PamfletiKryetari i PD-Demokratët Euroatlantikë ka komentuar takimin e kryeministrit Rama me emigrantët shqiptarë sot në Londër.
Ai ka sulmuar dy kryetarët e mazhorancës dhe opozitës, duke thënë se në Shqipëri bëjnë pazare me njëri-tjetrit, ndërsa jashtë nxisin dhunë dhe përplasje mes shqiptarëve.
“Turp e faqja e zezë për Edi Ramën e Sali Berishën”, u shpreh Basha në një postim në rrjetin social Facebook.
“Në Shqipëri bëjnë pazare me njëri-tjetrin për interesa të tyre dhe jashtë vendit, siç ndodhi sot në Londër, nxisin dhunë e përplasje mes shqiptarëve”, theksoi ai duke komentuar antimitingun e opozitës para godinës ku do mbahej takimi i kryeministrit me Diasporën.
Basha shkruan se ata kanë interes vetëm pushtetin e tyre të cilin e duan me çdo çmim, madje edhe mbi gjakun e shqiptarëve me shpresën se do t’i shpëtojnë llogaridhënies para ligjit.
“Pamjet e sotme të përplasjes mes shqiptarëve në Londër janë drithëruese. Këto pamje të shëmtuara duhet të marrin fund dhe shqiptarët të ndërgjegjësohen që të mos përdoren si mish për topat e pushtetit të Edi Ramës dhe Sali Berishës”, vijoi Basha.
Lini një Përgjigje