FLASH
Shkruar nga Pamfleti
Kryeministri Edi Rama ka reaguar për tragjedinë me 51 të vdekur në Maqedoninë e Veriut.
Ai ka shprehur ngushëllimet homologut të tij, Mickovski dhe thotë se Shqipëria është e gatshme t'i vijë në ndihmë
'Me një ndjenjë hidhërimi të veçantë u përcjell vëllezërve e motrave të Maqedonisë së Veriut ngushëllimet e mia për tragjedinë e madhe të Koçanit. Jam pa fjalë dhe lutem që të lënduarit të shërohen dhe që familjarët e viktimave të gjejnë forcën të përballojnë humbjen e tyre të pangushëllueshme. I përcjell po ashtu kryeministrit Mickovski dhe autoriteteve të vendit fqinj ngushëllimet në emër të Shqipërisë e shqiptarëve, duke shprehur gatishmërinë për çfarëdoqoftë ndihma jonë mund të jetë e nevojshme.', shkruan Rama.
Mediat vendase bëjnë të ditur se ngjarja ka ndodhur rreth orës 03:00 të mëngjesit të 16 marsit, në një klubin e natës “Koçani Pulse”. Në diskotekë ishin rreth 1500 të rinj, duke ndjekur një koncert të një grupi të famshëm vendas.
Raportohet se shkak i zjarrit dyshohet të ketë qenë lëndët piroteknike që janë përdorur brenda në ambientet e lokalit për të festuar.
Aktualisht, nuk ka detaje zyrtare se si ka ndodhur ngjarja, por ajo që bëhet e ditur nga MPB, është se janë arrestuar disa persona që kanë pasur lidhje me organizimin e kësaj feste private.
Bëhet me dije që për shkak të viktimave të shumta, tashmë në Shkup janë anuluar të gjitha vizitat zyrtare, ndërkohë që ministri i Brendshëm po qëndron tashmë në Koçan dhe gjatë ditës pritet të arrijnë edhe politikanë të tjerë.
Lini një Përgjigje