FLASH
Shkruar nga Pamfleti
Deputeti socialist Erion Braçe vijon denoncimet për baterdinë që bëhet nëpër lagjet e Tiranës me plehrat dhe rrugët e pashtruara.
Ditën e sotme Braçe ka publikuar një video nga Njësia 9 në Tiranë, ku denoncon problematikat me mbetjet urbane dhe mungesën e ndërhyrjes nga institucionet përgjegjëse.
Braçe shprehet se situata në disa zona pranë qendrës së qytetit, konkretisht pranë Fakultetit të Shkencave të Natyrës, është shqetësuese.
Sipas tij, grumbullimi i inerteve ka vijuar prej më shumë se dy muajsh, ndërsa banorët raportojnë se depozitimi i mbetjeve vazhdon.
Deputeti thekson se kjo situatë jo vetëm dëmton mjedisin, por ndikon edhe në imazhin e qytetit, sidomos për të huajt që jetojnë në zonë.
“Banorët më bënë me dije shqetësimin se të huaj që banojnë në lagje e shohin këtë pamje dhe e keqvlerësojnë Tiranën,” shprehet ai.
Braçe e lidh problemin me mungesën e kontrollit dhe përgjegjshmërisë nga autoritetet, duke përmendur institucionet shtetërore, bashkinë dhe policinë si përgjegjëse për parandalimin, ndëshkimin dhe pastrimin e situatës.
“Plehrat janë produkt i një kulture të gabuar, por edhe rezultat i mungesës së kontrollit në territor,” thekson ai, duke kërkuar ndërhyrje të menjëhershme për zgjidhjen e problematikës.
Postimi i Braçes: Tirana/9ta
Në territor, si deputet i gjithë Tiranës
Në lagje, në mes të Tiranës, pas Piazza-s dhe pas Fakultetit të Shkencave të Natyrës;
Pupupupupupupupu!
Inertet urbane janë një tmerr;
Pas Piazza-s banorët më thanë se kanë mbi dy muaj aty dhe vijojnë e hedhin;
Pas Shkencave, muri tjetër është një qendër sociale.
Ndërkohë banorët më bënë me dije shqetësimin se shumë të huaj që banojnë në lagje shohin këtë pamje dhe e keqvlerësojnë Tiranën.
Shikoni; Plehrat janë produkt i një kulture mizerabël që kemi; por edhe problem që vjen nga mungesa e kontrollit dhe përgjegjshmërisë ndaj territorit;
Troç: mosqenia në territor e autoritetit shtetëror, bashkisë, policisë etj., për të parandaluar, ndëshkuar e pastruar!
Nuk do ndodhë më! Kaq!
Miremengjes Erion. Tani te doli gjumi? Logjikes tende, s´ke ca ti shtosh asnje presje. Te pastrojme Tr se na shikojne te huajt. Pa ne qe jetojme ketu cdo dite, s´ka problem. Shen Turistet te ndjehen mire, pa ne te tjeret, le te vdesim.. Problemi me i madhe pas Piazza-s nuk jane plehrat miku im, por droga. Ne Maj-Korrik kishte edhe turiste te bere dru ne heroine. Te shtire pa ndjenja, dhe me shishe lengjesh me sheqer prane. Gojet e liga thone qe Tr ka edhe turizem droge dhe seksual...po goje te liga, nga ata qe s´ja duan te miren vendit.
Po kujt i thote ky, ankohet per qeverrine e vet qe i paguan melonat rroge mujore