FLASH
Shkruar nga Pamfleti
Presidenti amerikan Donald Trump ka reaguar pas lajmit për ndarjen nga jeta të senatorit republikan Lindsey Graham, të cilin e cilësoi si një “patriot të vërtetë amerikan”.
Graham ndërroi jetë në moshën 71-vjeçare pas një sëmundjeje akute dhe të papritur. Lajmi u bë i ditur nga zyra e tij, ndërsa familja ka kërkuar privatësi gjatë kësaj periudhe të vështirë.
Përmes një reagimi në rrjetet sociale, Trump vlerësoi figurën e senatorit republikan dhe kontributin e tij në politikën amerikane. Ai e cilësoi Grahamin si një “patriot të vërtetë amerikan”.
Lindsey Graham, senator i Karolinës së Jugut që nga viti 2002, ishte një nga zërat më me ndikim në Uashington për politikën e jashtme dhe një aleat i rëndësishëm i Trumpit.
Pak para vdekjes, Graham ishte kthyer nga Kievi, ndërsa të premten zhvilloi një takim me presidentin ukrainas Volodymyr Zelensky. Para këtij udhëtimi, nuk ishte bërë e ditur se ai kishte probleme shëndetësore.
Graham ishte një mbështetës i fortë i ndihmës amerikane për Ukrainën dhe gjatë vizitës së fundit në Kiev punonte për një projektligj mbi sanksionet ndaj Rusisë, që sipas tij do t’i jepte presidentit Trump “mjetet për t’i dhënë fund kësaj lufte”.
Gjatë karrierës së tij politike, Graham ka mbajtur poste të rëndësishme në Senat, përfshirë drejtimin e Komisionit të Buxhetit. Ai u bë i njohur edhe për qëndrimet e tij të forta ndaj Rusisë dhe politikës së jashtme amerikane.
Marrëdhënia e tij me Donald Trump ka kaluar edhe momente tensioni. Pas trazirave në Kapitol në vitin 2021, Graham kritikoi veprimet e mbështetësve të Trump, por më vonë u kthye në një nga mbështetësit më të vendosur të tij dhe e mbështeti në zgjedhjet e vitit 2024.
"Unë dhe Trump kemi pasur një udhëtim të jashtëzakonshëm. E urrej që të përfundojë kështu. E vetmja gjë që mund të them është të më përjashtoni. Mjaft më", u shpreh Graham asokohe.
Lini një Përgjigje