FLASH
Shkruar nga Pamfleti
Ambasada e Shteteve të Bashkuara në Tiranë ka reaguar pas marrëveshjes së arritur sot mes opozitës dhe mazhorancës, duke rikthyer normalitetin në jetën parlamentare.
“Ambasada e Shteteve të Bashkuara në Tiranë është e inkurajuar nga njoftimi për rikthimin e rendit normal në Parlament. Institucionet funksionale janë thelbësore për çdo demokraci të shëndetshme dhe anëtarët e zgjedhur duhet të ushtrojnë detyrat dhe përgjegjësitë e tyre në mirëbesim brenda Parlamentit”, thuhet në reagim.
Ndërkohë ka reaguar edhe përfaqësia e BE-së në Tiranë, duke thënë se një parlament që funksionon mirë është thelbësor për të lehtësuar rrugën e Shqipërisë drejt anëtarësimit.
“Mirëpresim lajmin për rikthimin e normalitetit në Parlament. Siç kemi thënë dhe më parë, një parlament që funksionon mirë është thelbësor për të lehtësuar rrugën e Shqipërisë drejt anëtarësimit në BE, i cili është objektivi strategjik i vendit, i mbështetur nga shumica dërrmuese e shqiptarëve”, thuhet në reagimin e BE-së në Tiranë.
Pas 5 muajsh kaosi dhe bllokimi në Parlament, PS dhe PD kanë gjetur sot gjuhën e përbashkët për t’ju rikthyer normalitetit.
Marrëveshja mes tyre do të përfshije ngritjen e dy komisioneve hetimore, konkretisht për koncensionet në Shëndetësi si dhe për daljen e të dhënave sistemi ‘TIMS’.
Po ashtu Partia Socialiste dhe Rithemelimi kanë rënë dakord në parim që Kuvendi të ngrejë një “Nënkomision për Reformat”, që përbëhet nga 4 anëtarë, që do të jetë përgjegjës për diskutimin/shqyrtimin e paketave ligjore, reformave dhe ligjeve që kërkojnë shumicë të cilësuar apo ligjeve që kërkojnë gjithëpërfshirës, përfshirë ligjet që janë të nevojshme për procesin e integrimit europian.
Lini një Përgjigje