FLASH
Shkruar nga Pamfleti
Dashamir Shehi ka komentuar rezolutën antikorrupsion.
Shehi e cilëson si propagandë rezolutën anti-krroupsion të votuar dje në Kuvend nga mazhoranca,ndërsa e cilësoi si propagandë.
Deputeti gjithashtu pohoi se opozita bëri shumë mirë që u distancua nga ky lloj teatri, pasi sipas tij nuk ka vlerë.
“Kjo është një rezolutë pa ndonjë vlerë. Një qeveri që ka 11 vite që është në pushtet dhe mendon se pas 11 vitesh fillon numërimi nga e para, më duket më shumë propagandë. Kjo është propagandë e PS që ka filluar prej kohësh. Parlamenti është i pavarur, drejtësia e pavarur. Qeveria që e ka propozuar dhe ja ofron parlamentit për t’i dhënë ngjyra kombëtare, e ka shkruar vetë. Nuk mbush kushtet për t’u votuar sepse do të ishte dokument propagande. Unë nuk do të shtoja asgjë. Ne nuk e pranojmë këtë lloj teatri, pasi nuk ka vlerë”, tha Shehi për Report TV.
Më tej, Shehi theksoi se sipas tij, rezoluta është si një fletë-rrufe kundër korrupsionit.
“Këto duan t’i japin ndonjë sinjal zotërinjve të drejtësisë që ne jemi këtu jemi shumica. Nga kjo pikëpamje rezoluta nuk bën asgjë të mirë. A dini ndonjë rast që qeveria vet ka denoncuar ndonjërin. S’ka? Pasi punët e pista janë bërë me dijeni të atyre më sipër. Kur të kërkon SPAK nuk të mban dot qeveria. Opozita bëri shumë mirë që u distancua nga ky lloj teatri. Nuk luftohet korrupsioni me rezolutë. Aty kalojnë ligje që e kanë tharmën e korrupsionit brenda. Për mua rezoluta është si një fletë-rrufe kundër korrupsionit”, tha Shehi.
Lini një Përgjigje