FLASH
Shkruar nga Pamfleti
Edi Rama duket se ka nisur të bëjë nderet e para ndaj ish-deputetëve të PS-së që në 11 maj nuk arritën të marrin mandat deputeti.
Ndoshta i pari që ka përfituar nga qokat e Kryeministrit është Florenc Spaho, ish-deputeti socialist i Elbasanit.
Ky i fundit ka marrë funksionin e Drejtorit të Qendrës Spitalore Universitare ‘Nënë Tereza’, më e madhja në vend, duke zëvendësuar Donjeta Balin. Kjo e fundit u emërua si drejtore në fund të majit, çka u la në detyrë vetëm dy muaj.
Nga raportimet mësohet se Bali ka dhënë dorëheqjen, ndërsa zëvendësuesi ka qenë duke pritur ‘pas dere’ për të marrë funksionin.
Spaho me profesionin mjek, ish-anëtar i Komisionit Parlamentar të Shëndetësisë, renditet ndër ish-ligjvënësit e parë socialistë që ka marrë një detyrë, ende pa nisur mandati i 4-t qeverisës i Edi Ramës.
Lini një Përgjigje