FLASH
Shkruar nga Pamfleti
Kryeminsitri Edi Rama në Kongresin e PS, ka propozuar për kryetare të Kuvendit, Elisa Spiropalin pas dorëheqjes së Lindita Nikollës.
“Do i propozoj grupit parlamentar që në një seancë të menjëhershme t’i japim besimin tonë Elisa Spiropalit për të marrë drejtimin e Parlamentit”., tha Rama.
Rama tha gjithashtu se Bledi Çuçi, kryetar i grupit parlamentar socialist do të propozohet për postin e nënkryetarit të Parlamentit.
Ndërsa në vend të Çuçit si kryetar i grupit parlamentar shkon Niko Peleshi, që u zëvendësua si ministër i Mbrojtjes nga Pirro Vëngu, drejtori i Autoritetit Portual Durrës.
Lindita Nikolla ka dhënë dorëheqjen nga posti i kryetares së Parlamentit pas një periudhe 3 vjeçare në drejtimin e Kuvendit.
Lajmin për largimin e ka dhënë vetë Lindita Nikolla në seancën e fundit plenare për këtë sesion. Sipas saj arsyet janë për shkak të një situate personale shëndetësore, duke ia bërë siç tha ajo te pamundur vazhdimin e detyres.
Mesazhin e saj, Nikolla e mbylli me një lutje që largimi i saj të mos spekulohet politikisht, ndërsa falënderime shkuan edhe për kryeministrin Edi Rama.
Lini një Përgjigje