FLASH
Shkruar nga Pamfleti
Sipas sondazhit, PS merr një mandat më shumë në Tiranë, ndërsa PD bie në 12 mandate nga 15 që mori në vitin 2021. Kjo do të thotë se kandidatët e PD në listë të hapur nuk bëhen dot deputetë, gjithmonë nëse del i njëjti rezultat më 11 maj…
Barometri i “Euronews Albania” ka publikuar matjet e dyta politike për Qarkun e Tiranës. Në këto matje janë pyetur 1000 qytetarë brenda qarkut, të shpërndarë sipas popullsisë në 5 bashkitë përbërëse. Mbledhja e të dhënave është realizuar nga 22 Mars deri në 3 Prill 2025.
Bazuar në të gjitha të dhënat që sjellë matja e dytë politike për Qarkun e Tiranës, prirja e votës dhe të gjithë treguesit e tjerë në këtë matje, Barometri ka përllogaritur edhe projeksionin e mundshëm të votës së 11 Majit për qarkun më të madh.
Sipas këtij projeksioni:
Partia Socialiste do të merrte potencialisht 47.4% (+/- 2 %) ose përkthyer në 19 mandate.
Koalicioni “Aleanca për Shqipërinë Madhështore” (PD) do të merrte potencialisht 30.7% (+/- 2 %) të votës së 11 Majit, përkthyer në 12 mandate.
Nisma “Shqipëria Bëhet” dhe “Partia Mundësia” potencialisht mund të merrnin 7.4 % (+/- 1.5 %) secila, praktikisht pothuajse nga 2-3 mandate për secilin nga subjektet (minimalisht 5 mandate të dyja).
“Lëvizja Bashkë” do të merrte potencialisht 4.1 % (+/-1 %) të votës së 11 Majit dhe 1 mandat nga 37 të Qarkut të Tiranës.
Lini një Përgjigje