FLASH
Shkruar nga Pamfleti
Deputetja e Partisë Demokratike, Ina Zhupa, deklaroi për mediat se projektligji për portet turistike përmban problematika serioze dhe sipas saj, synon t’u kalojë portet publike klientëve të qeverisë. Deputetja kritikoi ashpër mënyrën se si po trajtohet pasuria publike.
Zhupa theksoi gjithashtu se ndryshimet ligjore të propozuara prekin edhe çështje që lidhen me sigurinë kombëtare. Demokratja shtoi se një ligj i tillë nuk mund të ndryshohet për t’u krijuar lehtësira oligarkëve që mbështeten nga kryeministri.
“Të marrësh pasuri publike dhe ta shndërrosh në pasuri private vetëm një qeveri si ajo e Ramës mund ta bëjë. Parimi i konkurrencës së lirë dhe barazisë para kërkon që kushte të barabarta për të marrë pjesë në garë. Firmëtarja Zamira Sina nuk e dinte çfarë shkruhej në ligj. Po cënohet liria ekonomike e të gjithë operatorëve ekonomikë”, tha ajo.
Lini një Përgjigje