FLASH
Shkruar nga Pamfleti
Gjyqtarja ka thënë se kërcënimi ndaj saj është nxitur nga qeveria e Giorgia Melonit pas vendimit për emigrantët.
“Nuk kam ndërmend të përplasem me qeverinë, është qeveria që do të përplaset me mua dhe unë dua ta shmang."
Kështu është shprehur kryetarja e Magjistraturës Demokratike, Silvia Albano, njëkohësisht gjyqtare e seksionit të emigracionit në gjykatën e Romës.
Silvia Albano , gjyqtarja e seksionit të imigracionit në gjykatën e Romës, e cila nuk vuri në dukje vlefshmërinë e ndalimit të emigrantëve në Shqipëri, tha për mediat italiane se po i bëhet presion nga qeveria e Melonit.
Deklarata e saj u bë në margjinat e konferencës së Magjistraturës Demokratike në Romë, ku ndër të tjera Albano tha se nuk mundet që gjytarët që bëjnë punën e tyre të etiketohen si ‘Gjykatës komunistë’.
Sipas saj, ky etiketim është shqetësues, sa i përket demokracisë italiane dhe të ardhmes së vendit.
"Fakti që ata që përpiqen të zbatojnë Kushtetutën quhen 'gjykatës komunistë', më shqetëson shumë për gjendjen e demokracisë sonë dhe të ardhmen e saj. Në xhepat nuk kemi as librezën e Maos, as kapitalin e Marksit, por Kushtetutën”, tha Albano, raporton La Repubblica.
Për tensionet në rritje mes qeverisë Meloni dhe trupës së gjytarëve ka pasur reagime të shumta në radhët e togave të zeza. Për mosmarrëveshjet mbi emigrantët janë bërë deklarata unanime nga të gjitha komunitetet e juristëve, nga Unioni i Dhomave Penale e deri te shoqatat e profesorëve të drejtësisë të Bashkimit Evropian.
Të gjithë e mbështetën atë për supremacinë e ligjit evropian, nuk mund të bëhet asgjë për këtë, theksoi ndër të tjera, Silvia Albano, në konferencën e 60-të, të Magjistraturës Demokratike në Romë.
Më pas ajo tha se gjykata nuk do të tërhiqet për vendimin, pasi ka zbatuar ligjin europian.
“Nuk ka tërheqje dhe gjyqësori nuk dëshiron tërheqje. Për një luftë duhen dy dhe ne nuk patëm asnjë grindje. Ne kemi zbatuar ligjin evropian në dritën e një vendimi nga Gjykata e Drejtësisë ," përsëriti ai./ Pamfleti
Lini një Përgjigje