FLASH
Shkruar nga Pamfleti
Pas Samitit të mbajtur sot në Tiranë për Ukrainën, presidenti i Ukrainës Volodymir Zelensky pritet të niset drejt Rinasit dhe të lërë Shqipërinë.
Në samitin e organizuar ditën e sotme morën pjesë edhe liderë të Ballkanit Perëndimor ku theksi i takimit ishte vazhdimi i ndihmës ushtarake dhe financiare për Ukrainën ndërsa u paralajmërua për rrezikun që i kanoset Ballkanit Perëndimor nga Rusia.
Samiti u mbyll me një deklaratë të përbashkët firmosur nga 8 liderët pjesëmarrës ku theksohet se agresioni ushtarak i Rusisë përballë Ukrainës mbetet "kërcënimi më i madh për sigurinë evropiane dhe paqen ndërkombëtare".
Pas samitit, në konferencën e përbashkët për median Zelensky paralajmëroi shtetet e Ballkanit Perëndimor se Rusia do të bëjë gjithçka për të destabilizuar situatën.
Presidenti ukrainas, Zelensky ka vizituar për herë të parë Shqipërinë i cili mbërriti në kryeqytet në orët e vona të mbrëmjes të së martës. Ai u prit në aeroportin e Rinasit nga ministri për Evropën dhe Punët e Jashtme, Igli Hasani.
Lini një Përgjigje