FLASH
Shkruar nga Pamfleti
Anëtarët e Partisë Demokratike në Komisionin e Politikës së Jashtme kanë thirrur kryeministrin Edi Rama për të dhënë sqarime lidhur me një editorial të përbashkët të tij me presidentin serb Aleksandër Vuçiç, i cili trajton çështjen e integrimit europian të vendeve të Ballkanit Perëndimor.
Editoriali, i publikuar në një media gjermane, propozon që vendet e rajonit të përfshihen gradualisht në tregun e përbashkët të Bashkimit Europian dhe në zonën Schengen, edhe pa qenë ende anëtare të plota të BE-së.
Sipas përfaqësuesve të opozitës, kjo qasje bie në kundërshtim me rezolutat e miratuara më herët nga Kuvendi i Shqipërisë, të cilat theksojnë objektivin për anëtarësim të plotë të vendit në Bashkimin Europian.
Në kërkesën drejtuar kryeministrit, demokratët shprehin gjithashtu shqetësimin për ndikimin që një propozim i tillë mund të ketë në procesin e integrimit europian, si dhe në interesat strategjike të Shqipërisë dhe Kosovës.
Lini një Përgjigje