FLASH
Shkruar nga Pamfleti
Kuvendi Kombëtar i Partisë Demokratike miratoi 8 ndryshime në statutin e partisë, të cilat prekin përfaqësimin politik, organizimin e brendshëm dhe mënyrën e përzgjedhjes së kandidatëve për deputetë dhe kryetarë bashkie.
Sipas ndryshimeve të miratuara, diaspora shqiptare do të ketë 15% përfaqësim në listat zgjedhore dhe në organet e partisë, ndërsa kuota për gratë dhe vajzat rritet nga 30% në 40%. Statuti parashikon edhe ngritjen e Komisionit të Seleksionimit të Kandidaturave për deputetë dhe kryetarë bashkie, si strukturë autonome para procesit të primareve.
Ndryshimet përfshijnë edhe riorganizimin e grupseksioneve dhe nëndegëve, forcimin e lidhjes mes degëve të PD-së dhe këshilltarëve bashkiakë, status të barabartë për organizatat partnere, mbrojtjen e të dhënave personale të anëtarëve dhe rregulla më të qarta për shkarkimin e kryetarëve të degëve. Kuvendi Kombëtar i Partisë Demokratike miratoi 8 ndryshime në statutin e partisë, të cilat prekin përfaqësimin politik, organizimin e brendshëm dhe mënyrën e përzgjedhjes së kandidatëve për deputetë dhe kryetarë bashkie.
Ndryshimet në Statut:
1. Fuqizimi i Diasporës shqiptare dhe përfaqësimi real politik i saj.15% në lista dhe në organet e partisë duhet të jenë përfaqësues nga Diaspora.
2. Fuqizimi i rolit të grave dhe vajzave në Parti, duke e rritur përfaqësimin e tyre nga 30 % në 40%.
3. Ngritjen e Komisionit të Seleksionimit të Kandidaturave për deputet dhe kryetar bashkie, si strukturë autonome nga organet drejtuese të partisë, përpara realizimit të procesit të primareve.
4. Përmirësimi i organizimit bazë të partisë (grupseksionet dhe nëndega) dhe forcimi i Kolegjit të Kryetarëve të Grupseksioneve.
5. Forcimi i raporteve mes Degëve të Partisë dhe të zgjedhurve vendor (këshilltarëve bashkiak).
6. Njohja e një statusi të barabratë për të gjitha organizatat partnere të partisë, duke respektuar historinë e themelimit të PDSH.
7. Mbrojtja e të dhënave personale të anëtarëve të Partisë.
8. Saktësimi i rregullave të shkarkimit të kryetarëve të degëve, duke i dhënë më shumë garanci të qëndrimit në detyrë.
Lini një Përgjigje