FLASH
Shkruar nga Pamfleti
Kreu demokrat Lulzim Basha ka reaguar për ndryshimet në qeveri. Sipas tij, të tilla tubime nuk i mbulojnë aferat e qeverisë. Basha ka kërkuar nga drejtësia që të godasë pa asnjë ndikim politik.
“Qeveria e damkosur nga SPAK për aferën e inceneratorëve nuk i shpëton dot drejtësisë me tubime partiake ku bashkë i bën vetëm frika e ndëshkimit prej zullumeve që kanë bërë në kurriz të shqiptarëve.
Drejtësia duhet të vijojë punën e saj për hetimin e aferës së inceneratorëve, sterilizimit dhe çdo denoncimi për korrupsionin shtetëror në çdo hallkë. E pandikuar nga presioni qeveritar apo politik i kujtdo qoftë. Kjo është mënyra e vetme për të vënë para drejtësisë abuzuesit me pasuritë e shqiptarëve dhe bashkëpunëtorëve të tyre që e kanë lënë Shqipërinë peng të Edi Ramës”, tha ai.
Lini një Përgjigje