FLASH
Shkruar nga Pamfleti 
“Diaspora për Shqipërinë e Lirë” (DPSHL) ka dënuar publikisht deklaratat e kryeministrit Edi Rama që i drejtohen sistemit të drejtësisë dhe protagonistëve të saj, duke minuar kështu njëherë e përgjithmonë ëndrrën drejt Bashkimit Europian, është shprehur DPSHL.
Në deklaratë, DPSHL shkruan se reagimet dhe deklaratat e Ramës, kanë për qëllim të ushtrojnë presion mbi organet e drejtësisë si dhe të mbrojnë persona që janë nën hetim apo dhe të dënuar.
DPSHL kërkon nga trupi diplomatik i akredituar në Tiranë që të reagojë ndaj qëndrimeve të tilla të Kryeministrit.
Në një deklaratë për mediat, Diaspora e quan antikushtuese ndërhyrjen e Ramës dhe kërkon nga SPAK dhe institucionet e tjera të drejtësisë që të hetojnë kreun e qeverisë.
“DPSHL dënon me ashpërsinë më të madhe ndërhyrjet e vazhdueshme dhe të papranueshme të Kryeministrit të Shqipërisë, Edi Rama, në sistemin e drejtësisë, të cilat shkelin Kushtetutën e Republikës së Shqipërisë, parimet e shtetit të së drejtës, dhe minon një herë e përgjithmonë ëndrrën Evropiane të Shqiperise dhe shqiptarëve.
Kryeministri ka bërë dhe vazhdon të bëjë deklarata të paprecedenta në historinë demokratike të shtetit shqiptar, duke tentuar të ushtrojë presion mbi organet e drejtësisë dhe të mbrojë individë të përfshirë në hetime apo të dënuar.
Kërkesat Urgjente të DPSHL:
• i bëjmë thirrje Presidentit të Republikës që të mbrojë Kushtetutën dhe të dënojë publikisht ndërhyrjet e Kryeministrit në drejtësi.
• i kërkojmë SPAK të shqyrtojë deklaratat dhe veprimet e Kryeministrit dhe të marrë masat ligjore për çdo ndërhyrje të paligjshme në drejtësi.
• Këshilli i Lartë Gjyqësor (KLGJ) dhe Këshilli i Lartë i Prokurorisë (KLP) të dalin me një deklaratë të qartë kundër ndërhyrjeve politike në drejtësi.
• Delegacioni i BE-së dhe Ambasada e SHBA të monitorojnë nga afër situatën dhe të kërkojnë respektimin e parimeve demokratike dhe të shtetit të së drejtës”, thuhet në deklaratë.
Lini një Përgjigje