FLASH
Shkruar nga Pamfleti
Përfaqësuesi ligjor i Partisë Demokratike, Rezarti Kthupi ka komentuar miratimin në Parlament të ligjit për Amnistinë Penale.
Ai tha se nga ky ligj përfitojnë të gjithë zyrtarët e shtetit që nuk kanë qenë titullar institucioni, por që janë dënuar nga GJKKO për korrupsion.
Duke marrë si shembull konkret tenderin e uniformave të policisë, juristi u shpreh se nga amnistia përfitojnë të gjithë zyrtarët që janë dënuar për shkelje të barazisë në tender.
“Çdo pjesëmarrës i njësisë së prokurimit, i vlerësimit të ofertave që ka shkelur tenderin për hir apo llogori të drejtorit, apo për llogari të tij, dhe është dënuar nga Gjykata Speciale për Krimin e Organizuar dhe Korrupsionin sot përfiton 1 vit e gjysmë ulje dënimi.
Çdo person që nuk është titullari i institucionit përfiton nga amnistia. U bë shamatë e madhe për tenderin e uniformave të policisë, ku u dënuan 7 apo 12 zyrtarë, të gjithë ata përfitojnë. E njëjta gjë vlen për çdo tender dhe çdo zyrtarë që është dënuar për shkelje të barazisë në tenderë. Amnistia është parim”, tha Kthupi për “Euronews Albania”.
Lini një Përgjigje