FLASH
Shkruar nga Pamfleti
Pak para nisjes së seancës plenare, Kreu demokrat Lulzim Basha ka dhënë një deklaratë për mediat në oborrin e Kuvendit.
Basha ka ironizuar fjalimin e kreut të Partisë së Lirisë, Ilir Metës në Konventën e Partisë së Lirisë, e cila u mbajt të shtunën në Pallatin e Kongreseve.
Basha thekson se ishte një përformacë e mjerueshme, ndërsa shtoi se nuk pret asgjë nga kjo kastë politike.
“Miqtë dhe unë ishim në Itali, i dimë arsyet e kësaj... qeshëm me përformancën e mjerueshme, nuk presim asgjë as nga ai as nga të tjerët, zëdhënësin e të cilëve bë. Kjo kastë politike e ka problemin me fundin e tyre politik”, tha Basha.
Basha po ashtu u bëri thirrje deputetëve që të mbështesin amendamentet e propozuara nga Partia demokratike për të mbështetur SPAK.
“Të mbështesin amendamentet e PD-së për mbështetjen e institucioneve të drejtësisë. Propozimet që bëjmë këtu dhe votën kundër e udhëheqim nga një pyetje a është kjo e dobishme për shqiptarët. Për këtë çështje apriori ju kërkoj të mbështesim amendamentet pro SPAK”, u shpreh Basha.
Lini një Përgjigje