FLASH
Shkruar nga Pamfleti
Në Konferencën e Kryetarëve, kryetari i Grupit Parlamentar të Partisë Demokratike Gazment Bardhi, i ka bërë kërkesë kryetares së Kuvendit, Lindita Nikolla, të fusë në rend të ditës interpelancën me kryeministrin Edi Rama, për akuzat për përfshirjen e vëllait të tij në çështjen e drogës në Xibrakë.
Mbledhja është shoqëruar me debate të shumta ku Kryetarja e Kuvendit Lindita Nikolla tha se interplenca nuk parashikon çështje personale.
Ndërsa ministrja Elisa Spiropali në të njëjtën linjë tha se këto janë shpifje e trillime dhe nuk mund të jenë pjesë e një interpelance.
“Akuzat, shpifjet, fantazitë apo trillimet nuk i parashikon neni 96 për interpelancat parlamentare. Si qeveri jemi të gatshëm për t’u përgjigjur për detyrat, veprimtarinë dhe funksionet tona. Barrën e provës e ka akuzatori jo i akuzuari. Të shkojë të japë pergjigje në SPAK”, ka thënë Spiropali.
Lini një Përgjigje