FLASH
Shkruar nga Pamfleti
Deputeti i PD, Gazment Bardhi ka reaguar në lidhje me atentatin që iu bë kreut të Rithemelimit në Vaun e Dejës, Bernard Ndrecës.
Me anë të një reagimi në rrjete sociale, Bardhi tha se zgjedhjet vendore kanë marrë një goditje të rëndë duke shtuar se ky është një akt kriminal i papranueshëm.
Më tej ai kërkoi që autoritetet të zbardhin rastin dhe të vendosin para drejtësisë autorët.
“Zgjedhjet lokale sot kanë marrë një goditje të rëndë. Akti i sotëm kriminal në Vaun e Dejës ndaj Bernard Ndrecës është i papranueshëm dhe thellësisht i dënueshëm. Duke u solidarizuar plotësisht me të dhe familjen e tij, apelojmë që autoritetet ligjzbatuese të zbardhin menjeherë rastin dhe të vendosin përpara përgjegjësisë autororët. Zgjedhjet duhet të jenë shkëmbim idesh e alternativash, dhe kurrësesi luftë e intimidim me metoda kriminal”, shkruan Bardhi.
Lini një Përgjigje