FLASH
Shkruar nga Pamfleti
Në një prezantim të pazakontë të programit për katër vitet e ardhshme të qeverisë Rama 4, Partia Socialiste ka bërë një gabim të rëndë në dokumenta.
Gjatë seancës së Kuvendit, ku pritej një debat dhe diskutim i thellë për programin e ri të qeverisë, një detaj i vogël në dukje, por gafë e madhe për PS, që fituan bindshëm, ka rënë në sy.
Këshilltari i PD në Bashkinë Tiranë, Ilir Alimehmeti, ka publikuar një foto nga programi i PS ku është shkruar gabim data zgjedhjeve të 14 Majit, një gafë që ka ngritur pyetje mbi kujdesin dhe përgatitjen e dokumenteve të qeverisë.
Në një seancë që zgjati vetëm disa minuta, mazhoranca vendosi të kalojë menjëherë në votim, pavarësisht kundërshtimeve të opozitës. Me një shumicë të fortë prej 82 votash, programi u miratua, ndonëse pritej që debati të zgjaste shumë më gjatë. Kryeministri dhe drejtuesit e PS-së paralajmëruan se nëse nuk do të lejohej debati, programi do të votohej automatikisht, duke nënkuptuar një mungesë të lirisë së fjalës dhe diskutimit të thellë.
Tensionet janë shtuar kur opozita ka hedhur rregulloren në drejtim të kreut të Kuvendit dhe kryeministrit, duke cilësuar veprimet e mazhorancës si shkelje të rregullores dhe antikushtetuese. Deputetët e opozitës kanë kritikuar gjithashtu emërimin e ministres "Diella".
Pas përfundimit të seancës parlamentare, gjatë së cilës u miratua programi politik i qeverisë 2025-2029 si dhe kabineti i ri “Rama 4”, kryeministri Edi Rama ka reaguar edhe në rrjetet sociale.
Ai ka kritikuar opozitën për kaosin që sipas tij shkaktoi, duke mos lejuar prezantimin e programit qeverisës dhe duke shkelur kufirin etik të debatit parlamentar.
Sipas Ramës, 83 mandatet që mori Partia Socialiste në zgjedhjet e 11 majit janë një detyrim jo vetëm për të respektuar votuesit e tij, por edhe për t’u dhënë opozitës hapësirën e duhur për të shprehur fjalën e saj në Kuvend.
Megjithatë, ai thekson se kjo nuk mund të vazhdojë paqësisht për sa kohë opozita vazhdon me “avazin e vjetër të pengmarrjes së Kuvendit”.
Përfundimisht, seanca është mbyllur shpejt, por me një pikëpyetje të madhe mbi korrektësinë dhe profesionalizmin në përgatitjen e programit të ri qeveritar.
A do të ketë pasojat ky gabim në ditët në vazhdim? Kjo mbetet për t’u parë.
Lini një Përgjigje