FLASH
Shkruar nga PamfletiSali Berisha pretendon se nuk është thirrur sipas ligjit për t’u paraqitur në Prokurorinë e Posaçme AntiKorrupsionin (SPAK) për çështjen e “21 janarit”, por SPAK e ka hedhur poshtë këtë pretendim të ish kryeministrit.
Kreu i PD, Sali Berisha, në konferencën për mediat, u pyet për faktin se nuk shkoi në SPAK pas thirrjes për krimin shtetëror të 21 janarit.
Ndonëse Prokuroria e Posaçme ia ka dërguar fletëthirrjen në tre vende, në banesën e tij, në selinë e PD, dhe në Kuvend, kryedemokrati thotë se nuk ka marrë fletëthirrje. Berisha thotë se fletëthirrjen e ka marrë vetëm Taulant Balla në Kuvend.
Por ky lajm është hedhur poshtë nga SPAK.
Prokuroria e Posaçme ka sqaruar se procedurat e njoftimit të kryera ndaj Sali Berishës janë sipas ligjit dhe se deri tani i janë dërguar dy urdhër-thirrje zyrtare përmes shërbimit postar.
"Deri tani janë dërguar dy urdhër-thirrje përmes shërbimit të postës shqiptare, më datë 3.11.2025 në adresën e banesës (për t’u paraqitur në SPAK në datë 7.11.2025) dhe në datën 7.11.2025, në adresën e banesës, Partisë Demokratike dhe Kuvendit (për t’u paraqitur në datën 14.11.2025).
Urdhër-thirrja e parë, e dërguar në banesë më datë 3.11.2025, është kthyer mbrapsht në Prokurorinë e Posaçme, me shënimin:
“Rojet janë autorizuar të mos marrin asnjë zarf.”
Pas këtij konstatimi, Prokuroria e Posaçme ka vijuar me dërgimin e urdhër-thirrjes në tre destinacionet (Banesë, Partia Demokratike dhe Kuvend) më datë 07.11.2025.
Më datë 09.11.2025, është refuzuar marrja e zarfit të dërguar në banesë, ndërsa më 12.11.2025 Shërbimi i Burimeve Njerëzore dhe Trajtimit të Deputetëve në Kuvendin e Shqipërisë ka njoftuar se marrja në dorëzim e njoftimit është refuzuar nga stafi politik i grupit parlamentar të Partisë Demokratike.
Përmes shkresës është sqaruar gjithashtu se njoftimi për urdhër-thirrjen është dërguar edhe në adresën zyrtare të emailit:
[email protected], më datë 10.11.2025.
Prokuroria e Posaçme do të vijojë zbatimin e parashikimeve ligjore për njoftimin dhe paraqitjen e personit të thirrur, sipas afateve dhe detyrimeve të parashikuara në legjislacionin në fuqi.", thotë SPAK në njoftim.
Si ka Mundesi qe t'ju sfidoje hapur dhe ju t'ja merrni doren kaq shume nje individi?? Cudi cuditerisht shume e cuditshme
Çeshtë ky muhabet, ndalohet në rrugë, jepja në dore, sepse atij i drejtohet jo rojes...