FLASH
Shkruar nga Pamfleti
Kreu i grupit parlamentar të Partisë Demokratike, Gazment Bardhi, ka reaguar pas incidenteve gjatë protestës së opozitës, duke akuzuar forcat e policisë për hedhje të gazit lotsjellës brenda një xhamie.
Bardhi shprehet se hedhja e gazit ka ndodhur në një moment kur, sipas tij, nuk kishte protestues në ambientet e objektit të kultit.
“Hedhja e gazit lotsjellës brenda xhamisë, në një moment kur nuk ka asnjë protestues, përbën një akt të rëndë dhe të papranueshëm. Është një cenim i hapur i lirisë së besimit dhe një përpjekje brutale për të penguar besimtarët myslimanë të kryejnë ritet e tyre pas iftarit”, ka shkruar Bardhi.
Ai e cilësoi ngjarjen si një veprim që “i ngjan praktikave të një regjimi represiv” dhe tha se është i papranueshëm përdorimi i metodave të tilla në një vend demokratik.
Lini një Përgjigje