FLASH
Shkruar nga Pamfleti
Deputetja e Partisë Demokratike Flutura Açka tha se “Djathtas 1912” i ka të hapura dyert dhe për ish-kreun e Partisë Demokratike, Lulzim Basha.
Deputetja demokrate tregoi kushtet që duhet të plotësojë Basha që t’i bashkohet këtij formacioni, teksa nuk hezitoi edhe ta kritikonte.
“Basha është i ftuar publikisht që të bashkohet nëse është e mundur me këtë frymë. Kushti është të ndahet nga ajo që e ndau PD në 9 shtator. Duhet ta kishte bërë betejën politike. Përse nuk e bëri. Duhet të bënte më shumë transparencë. Ku u zhduk për një vit e gjysmë. Mendoj se u dëmtua politikisht nga kjo mungesë”, tha Açka.
Më tej, Açka u bëri ftesë për lëvizjet dhe partitë e reja që të bashkohen me ta, ndonëse disa prej këtyre formacioneve janë të majta.
“Thirrje, Lapajt, Shabanit, Qorit që kanë parti të bashkohemi kundër këtij establishmenti që nuk po e le Shqipërinë të marrë frymë”, u shpreh Açka për “A2 CNN”.
Lini një Përgjigje