FLASH
Shkruar nga Pamfleti
Deputeti i Partisë Demokratike Luçiano Boçi ka folur lidhur me protestën e 7 tetorit. Ai tha se tubimi opozitar arriti të instalojë standardin e sjelljes së aksionit politik të PD në raport me mosbindjen civile.
Sipas tij, Partia Demokratike do të vijojë përpjekjet e mosbindjes civile deri në arritjen e qëllimit përfundimtar.
“Instaloi standardin e sjelljes së aksionit politik të PD në raport me mosbindjen civile. Është përballje dhe kryerja e çdo lloji veprimi që ne të arrijmë qëllimin tonë sepse situata është e destabilizuar nga ana politike. Ne do vijojmë me këto përpjekje deri në arritjen e qëllimit tonë.
Ditën e enjte nuk e anashkaluam mosbindjen civile. Nuk mund të dalë një kryetar parlamenti dhe të anulojë seancën se i ka thënë Rama. Erdogan erdhi paradite, seanca mund të ishte pasdite. Nuk ka gjendje qetësie”, tha Boçi për “News 24”.
Lini një Përgjigje