FLASH
Shkruar nga Pamfleti
Detaje të reja janë zbuluar nga ekzekutimi i 61-vjeçarit Piro Prronit në fshatin Abat të Shalës, në Shkodër.
Pasi u vetëdorëzua, autori Ndoc Maçaj, ka dëshmuar dinamikën e vrasjes dhe si filloi konflikti.
Në dëshminë e tij, 58-vjeçari ka deklaruar se ai dhe viktima ishin nga i njëjti fis.
Në dëshminë e Maçajt thuhet se mbrëmjen e së enjtes, duke dalë nga prona e tyre, në bisedë e sipër nisi një konflikt.
Viktima tentoi ta qëllonte me kosë, ndërsa autori nxori pistoletën dhe qëlloi në ajër. Konflikti vijoi dhe më pas, autori e qëlloi 61-vjeçarin, duke dëshmuar se këtë veprim e bëri për vetëmbrojtje.
Të dy palët kanë patur pretendime mbi pronësinë, çka ka sjellë dhe përplasjen mes tyre dhe më aps përdorimin e armës.
Pas ngjarjes autori i dyshuar u largaua nga vendngjarja.
Lini një Përgjigje